arte poetic - Jorge Camacho

arte poetic
de Jorge Camacho (Catherine B. Krause lo traduceva ex le original)

nonobstante le dicto facete mais van de robert frost
le poesia non es lo que es perdite in traduction
mais lo que resta.

rimas
rhythmo
le paisage de alicun parola
- ecce le fardo.

imagines
conceptos
comparationes e contrastos
- ecce le essentia.

alias, necuno legerea le poema de gilgamesh
odyssea
poemas de le dynastia tang
haiku e tanka japonese
le rubaiyat de omar khayyam

le poesia es lo que resta.

Un canto de David

Mi Deo, mi Deo, proque ha Tu derelicte me? Tu es distante de mi salvation e del parolas de mi planger.

Mi Deo, io Te appella al die mais Tu non replica e al nocte io non pote tacer.

Mais Tu es sancte; Tu attende le laudes de Israel.

Nostre atavos Te fideva; iles Te fideva e Tu les salvava.

Illes critava a Te e escappava; illes Te fideva e non era avergoniate.

Mais io es un verme in vice de un homine, un disgratia de homines, contempte del gentes.

Totos qui me vide me deridera; illes aperira le labias e agitara le testa.

Que on depone su confidentia al Senior e Ille le salvara; Ille le salvara proque Ille Se delecta in le.

Nam Tu me tirava ex le utero de mi matre; Tu me assecurava super le pectores de mi matre.

Depost nascentia io era projectava super Te; ab le utero de mi matre, Tu es mi Deo.

No abandonar me, nam affliction es proxime e il ha nemo adjutar.

Tauros grande me circumfere; le plus potente de Bashan ha ambite me.

Illes aperiva le bucca contra me como un leon lacerante fremente.

On me versava como aqua; tote mi ossos era separate, mi corde como cera que se funde intra mi interiores.

Mi fortia ha devenite siccate como un reliquia; mi lingua se colla al tecto de mi  bucca, e Tu me depone in le pulvere del morte.

Nam canes ha ambite me; un banda de malos ha circumferite me, como un leon a mi manos e pedes.

Io pote nominar tote mi ossos. Illes me reguarda e contempla con satisfaction.

Illes divide mi vestimentos inter se; illes face lotteria pro mi restos.

Mais Tu, O Senior, no abandonar me; mi fortia, hasta te a mi adjuta.

Salva mi anima del gladio, mi vita del manico del can.

Salva me del bucca del leon, como Tu salvava mi del cornos del boves salvage.

Io instruira Tu nomine a mi fratres; intra le congregation io Te laudara.

Que illes qui time le Senior Le lauda; que tote le semine de Jacob Le honora e tote le semine de Israel Le time.

Nam Ille ni ha contempte ni abhorrite le crito del povre, ni ha Ille celate su facie de le, e quando ille critava a Le, Ille auscultava.

A causa de Te, mi laude es in le grande congregation; io face mi votos ante illes qui Le time.

Le humiles mangiara e essera satisfacte; illes laudara le Senior. Le cordes del personas qui Le cercara vivira sempre.

Tote le fines del terra rememorara e tornera al Senior, e tote le familias del nationes se inclinara a Te.

Nam le Senior es le Rege qui guberna le nationes.

Illes mangiara tote le meliores del terra e se inclinara; ante Le tote le personas qui deveni pulvere se inclinara, e Ille non reavivara lor animas.

Le semine Le adorara; on instruira le generation veniente super le Senior.

Illes venira e instruira Su rectitude e lo que Ille ha facte al gente novemente nascite.

Quatro haiku

in le piscina
nos nos lucta
inflorescente.

----

un folio cade
al terra,
como simplemente!

----

arbores sta nude,
le disgratia
del hiberno.

----

aves reveni,
an tu pote ja vider
lor donos?

Tote le mundo totevia folle

Un del paises plus belle in le mundo es maledicte per un bello benedicte. Un committee de vetulos ha decidite que le tortura es bon quando lor pais lo incipe mais mal quando lor pais lo recipe. Plus e plus del citatanos del statos unite ha commenciate a gauder de un sport international nominate “fascismo.” Aviones sin pilotas ha discoperite que Britney Spears non rasa le axillas.

Le anatomia explicate

Iste corpore, que significa?
Es le corpore del dolor constante
que conduce nostre animas al terra.

Iste sanguine, que significa?
Es le sanguine del passion battiente
que connecte un anima al altere.

Iste manos, que significa?
Son le manos del effortio rigorose
que conduce nostre animas al celo.

Iste pedes, que significa?
Son le pedes del potentia active
que da nostre animas zelo.

Annuncios classificate (8-12)

8

Se vende un apparato photographic digital,

impermeabile, a alte definition que include

photos nude de mi ex-fidantiata

(illa puta mentiente infidel!)

Vos pote procurar lo in le porto. Io essera ibi.

Proque illa manca, mi barca es tote lo que io ha.

9

Io ha necessitate de un cryptologo pro decifrar le codice

que io trovava in Finnegan's Wake.

Ille debe saper como bloccar le signales de un radio,

proque on los usa pro governar mi familia,

faciente les a tentar de arrestar mi labor grave

dum pro alicun ration, illes ha lacrimas in su oculos.

10

Volte: le sentimento que io habeva como infante

quando le nive era un cosa magic e meraviliose,

e io iva in slitta per ille collina ardue al prime vice,

impingeva un homine de nive e passava le resto

del nocte ridente e bibiente cacao.

Nomina vostre precio.

11

Trovate: le diario de un puella juvene.

Illo face un chronica de su cambiamento

de un infante libere de inquietude al adolescente

completemente inamorate de pueros, felice

quando illes la ama, triste quando non. Le ultime pagina

dice: “Io vomitava iste matino. Io spera que nihil es mal.”

12

Un chicca artose cerca un homine celibe

qui sonia sovente, como tote le noctes,

e compartira su sonios proque illa los pinge

e quandocunque illes volera escappar

illes potera reguardar le picturas

e vive dum un momento in su sonio collective.

Annuncios classificate (1-7)

1
Se vende un jornal
que pertineva a nostre avo. Ille lo comprava post le bello, sedeva ante lo omne die con un penna, e scribeva nulle parola.

2
Le femina es cercate de mi sonio del ultime nocte. Su oculos era le Fluvio Cuyahoga
e su tocco era le prime gutta de pluvo non glaciate que cade super tu humero in le initio del primavera.

3
Piscator alcoholic de mal humor es volite pro collaborar a un obra de arte. Apporta utensiles de pinger, equipamento
de filmar e forsan un pluma e papiro- io non es certe si nos usara alicuno, mais nos debe facer lo- il es multo grave.

4
Can perdite: brun pastor german. Illa caca sur le tapete e grunni a estranieros. Si tu la trova, dona la un joculo
plenate de placeres e le butyro de arachide, porque illa recipe un omne die, e illa debe regretta lor absentia.

5
Se vende figurinas de pirates. Illos pertineva a me, sed ora io es adulte e non ha le necessitate de tal nonsenso plus.
Inquisitores, continge mi secretaria, porque io es occupate extrememente e ha nulle tempore de guastar.

6
Se vende un gitarra,
1975 Fender Stratocaster, blanc e nigre.
Que illo prende le emptor a ubi
illo nunquam me prendeva: al scena,
ante milles de fanatices, foras
del cruelitate stropiante del existentia modern.

7
Trovate: le melior novella que io ha unquam lecte,
scripte per mano, in un receptaculo de immundatia
in Le Plattes. Si tu es le auctor, per favor, continua
a scriber, e si tu non vole venir pro peter lo,
a menos continua a lassar tu novellas
al mesme receptaculo.

Mi caffe (republicate)

Tu me stimula al matino,

e me mantene per le die.

Tu me detene del somno...

si, tu es mi caffe.

Tu veniva del sud plus exotic

pro tractar me agradabilemente.

E ora tu gusto me funde...

si, tu es mi caffe.

Io non sape si tu ha le gusto

plus bon o si melior existe...

sed tu es bastante e me place;

io ama mi caffe.

Como facer se un sclavo

Pharaon,
adjuta me in le lucta pro viver
e io te adjutara in tu labor.

Pharaon,
dice a mi familia que toto es bon
e io te adjutara con tu sonios.

Pharaon,
quanquam io depende plus e plus super te,
io sape que tu promissa es inviolabile.

Pharaon,
quanquam io ha disapprendite como viver,
io sape que io potera quando io es preste.

Mais Pharaon,
que face vos?
De ubi veniva iste catena?

Tres quindistichos plus

Destruction

Sin collaboration
le horologio collabera.

Music

Un pensata
parla al aures.

Plenessa

Le vacuitate
plus beatemente absolute.

Tres quindistichos

Chaos

Un nihil

in le toto.

Joco

Se inclina

catta al preda.

Tempore

Le regina

dansa con me.

Scopos

Le scopo de mamma era graduar se
mais le scopo de papa era mamma.

Originalmente publicate in Esperanto e anglese per One Sentence Poems. Altere traductiones sta in Tatoeba.

Francis Scott Key - Le bandiera per stellas plenate (prime strophe)

An tu pote vider per le luce albal
lo que al crepusculo nos con fer saluta
cuje listas late, stellas vive e vallos
pro que nos veliava bravemente undula?
Ex le bombas e ruber del rochettas in aere
nos apprehende que sta nostre bandiera.
Undula le bandiera per stellas plenate
pro le terra del libere e le domo del brave?

Emily Dickinson - Un Musca susurrava

Un Musca susurrava–
Dum io moriva–
Le tranquilitate del camera
Era como le tranquilitate del aere–
Intra le jectar del mar.

Le oculos circumstava– torquite sic–
Sufflos se colligeva firm–
Pro testar al initio ultime–
Quando on testarea al Rege–
In le camera–

Io testamentava mi souvenires–
Foras signava
Le portiones de me que era
Assignabile– e tunc ibi se
Interponiva un musca–

Con susurro blau–
Incerte– errante–
Intra le lumine– e me–
E tunc le fenestras falleva–
E io non poteva vider pro vider.

Jorge Camacho - obscuritate total (traduction)

obscuritate total
es per pisces abyssal
fendite con lor lumine

Obra original in Esperanto con multe altere traductiones

Un pur aqua

Un
pur
aqua
es amor-
ecce homines
qui propende polluer lo.

Un toast super the

que
nos
multo
infunde
le the del vita
per folios de bon voler

Emendar

Un arbore habeva un menda
a cause de qual on lo trancava
e plus tarde un sculptor trovava le residuo
que deveniva un sculptura del terra
que inspirava tote le mundo
a plantar plus de arbores
que coperiva le superficie del terra
e causava que tote le mundo respira.

Nabucodonosor

Nabucodonosor,
io me doleva
facer le error
de entrar de nove
in tu regno.
triste pardono!

ora io debe
fugir de tu corte
al medio del nocte
pro non esser
vidite.
que nos nos non vide!

Proque?

Dea, quare tu me ha parite?
Vermente tu me poterea haber facte melior,
plus perfecte a que le vita sia minus ardue.
Proque, assi, iste vita
in iste corpore et iste pais?
Respondeva Dea - Proque non?